Հատուկ տաղանդով և հազար ու մի առաքինություններով օժտված հայը. այսօր Էդուարդ Միրզոյանի հիշատակի օրն է

«Մարդիկ կան, որոնց Աստված ստեղծում է սեփական ձեռքերով, խնամքով ու սիրով: Ստեղծում է կաղապարից դուրս որպես ընտրյալ: Սովորաբար օժտում է հատուկ տաղանդով, հազար ու մի առաքինություններով, շռայլ, շռայլ հոգով: Էդուարդ Միրզոյանն այդ ծնունդներից է»,- այսպես է բնութագրել կոմպոզիտոր Էդուարդ Միրզոյանին ՀՀ ժողովրդական արտիստ Սոս Սարգսյանը:

Կոմպոզիտորն իր վախճանը կնքեց 2012 թվականի հոկտեմբերի 5-ին՝ 91 տարեկան հասակում:

«Ես ուրախանում եմ այն ժամանակ, երբ զգում եմ, որ իմ գործերից որևէ մեկին քնքշանքով է վերաբերվում հատկապես գեղեցիկ կինը»,- խոստովանել է Էդուարդ Միրզոյանը:

Կմոպոզիտորը ծնվել է 1921 թվականի մայիսի 12-ին՝ Վրաստանի Գորի քաղաքում:

Ավարտել է Երևանի Կոնսերվատորիայի՝ Վ. Տալյանի ստեղծագործական դասարանը:

Սովորել է Մոսկվայի Հայ մշակույթի տան երաժշտական ստուդիայում:

1956-1990թթ. Ղեկավարել է Հայաստանի կոմպոզիտորների միությունը:

«Շփումը այնպիսի մեծագույն անհատականությունների հետ, ինչպիսիք են Էդուարդ Միրզոյանը, Առնո Բաբաջանյանը, Ղազարոս Սարյանը, Ալեքսանդր հարությունյանը, Ավետ Տերտերյանը, հարստացրել են ինձ»,- նշել է ԽՍՀՄ և Վրաստանի ժողովրդական արտիստ Գիա Կանչելին:

«Երբ քեզ հետ են ընկերներդ», «Արևոտ օր է», «Հեղկոմի նախագահը», «Աքսորական թիվ 001». ֆիլմեր, որոնց երաժշտությունների հեղինակը Էդուարդ Միրզոյանն է:

Կոպոզիտորի ձեռքով են ստեղծվել նաև հայտնի ստեղծագործություններ՝ «Ասում են, թե», «Երազ տեսա», «Հայրենիքն է կանչում», «Սիմֆոնիկ պարեր» և այլ ստեղծագործություններ: