Կամերային նվագախմբի և երգչախմբի համերգը նվիրվեց Շառլ Ազնավուրի հիշատակին
Ֆրանկոֆոնիայի օրերի շրջանակում Կոմիտասի անվան կամերային երաժշտության տանը համերգով հանդես են եկել Հայաստանի պետական կամերային երգչախումբը և Հայաստանի պետական կամերային նվագախումբը: Հոկտեմբերի 4-ին անցկացված երեկոյին կոլեկտիվները ղեկավարել է ՀՀ արվեստի վաստակավոր գործիչ Ռոբերտ Մլքեյանը: Համերգը նվիրվել է մեծանուն հայի՝ Շառլ Ազնավուրի հիշատակին, և ներկաները միջոցառման մեկնարկին հոտնկայս հարգել են լեգենդի հիշատակը: Կոլեկտիվները համերգի ժամանակ ներկայացրել են Գաբրիել Ֆորեի «Պավանա», Ֆրանսիս Պուլենկի «Կոնցերտ երգեհոնի, լարայինների և գոսերի համար» (մենակատարներ՝ Թերեզա Ոսկանյան- երգեհոն, Հարություն Մկրտչյան- գոս (տիմպանի) ստեղծագործությունները, ինչպես նաև Ռոբերտ Ամիրխանյանի ֆրանսալեզու երգերը: Կոմպոզիտոր Ռոբերտ Ամիրխանյանը լրագրողների հետ զրույցում տեղեկացրել է, որ բազում լեզուներով գրված գործեր ունի, այդ թվում նաև՝ ֆրանսերեն: Նա համերգի մեկնարկին առանձնահատուկ շեշտել է, որ Հայաստանի պետական կամերային երգչախումբը և Հայաստանի պետական կամերային նվագախումբը հանդես են գալիս մեր երկրի լավագույն դիրիժորներից մեկի՝ Ռոբերտ Մլքեյանի ղեկավարությամբ: «Ես յուրահատուկ վերաբերմունք ունեմ ֆրանսիական երաժշտության և ֆրանսիացի կոմպոզիտորների նկատմամբ: Այդ իսկ պատճառով կոմպոզիտորների ընտրությունը միայն Ֆրանկոֆոնիայի օրերով չի պայմանավորված»,- լրագրողների հետ զրույցում ընդգծել է Ռոբերտ Մլքեյանը՝ հավելելով, որ կոլեկտիվները բազմիցս կատարել են ֆրանսիացի հեղինակների ստեղծագործություններ: Հավելենք, որ Ֆրանկոֆոնիա տերմինը առաջին անգամ օգտագործվել է 1880 թվականին՝ ֆրանսիացի աշխարհագրագետ Օնեսիմ Ղեկլուի կողմից։ Այդ տերմինը նա օգտագործել է նկարագրելու համար այն մարդկանց և երկրները, որոնք խոսում են ֆրանսերեն: Ֆրանկոֆոնիա բառը առաջացել է ֆրանսերեն բառից: Հայաստանում հոկտեմբերի 11-12-ը կանցկացվի Ֆրանկոֆոնիայի գագաթնաժողովը, որի շրջանակում էլ կազմակերպված էր կոլեկտիվների այս համերգը: |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
114Երեկ, 01:54Մայր Աթոռը հայտարարություն է տարածել
12922.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16321.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14121.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
14521.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
16921.04.2024, 00:30