Տեղի կունենա «Տեր-Ղազարյանների միկրոարվեստ» ցուցահանդեսը

Միայն Էդուարդ Տեր-Ղազարյանին հաջողվեց մեծ հանճարներ Չապլինին և Պագանինիին տեղավորել ասեղի անցքի մեջ, ստեղծել աշխարհի ամենափոքր ջութակը... Նրա միկրոգլուխգործոցները որպես նվեր ստացան Ռոքֆելլերը, Ինդիրա Գանդին, Խրյուշչովը, Եղիսաբեթ II-ը և այլք։

Աշխարհահռչակ միկրոքանդակագործ Էդուարդ Տեր-Ղազարյանի ծննդյան 95-ամյակի առթիվ հոկտեմբերի 9-15-ը Երևանի պատմության թանգարան (Երևանի քաղաքապետարանի I հարկ), տեղի կունենա «Տեր-Ղազարյանների միկրոարվեստ» ցուցահանդեսը։

Այցելուները հնարավորություն կունենան առաջին անգամ Երևանում պապի գլուխգործոցների կողքին տեսնել նաև նրա անվանակից թոռան միկրոաշխատանքները։

Ցուցահանդեսի այցելուներին սպասվում է նաև այլ անակնկալ: