Ադրբեջանի նախագահի աշխատակազմը՝ Փաշինյան-Ալիև զրույցի մասին
Ադրբեջանի նախագահ Իլհամ Ալիևի աշխատակազմը հաղորդագրություն է տարածել՝ անդրադառնալով երեկ Դուշանբեում ԱՊՀ պետությունների ղեկավարների գագաթնաժողովի շրջանակներում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև տեղի ունեցած զրույցին: «Կողմերը հաստատել են հանձնառությունը Լեռնային Ղարաբաղի հակամարտության կարգավորմանն ուղղված բանակցություններին, հրադադարի ռեժիմի ամրապնդմանը՝ հայ-ադրբեջանական շփման գծում միջադեպերի կանխման համար»,- ասվում է հաղորդագրության մեջ: Բացի այդ, Ադրբեջանի նախագահի աշխատակազմը նշում է, որ կողմերը որոշել են համապատասխան կառույցների միջև օպերատիվ կապի հաստատման մեխանիզմներ մշակել: Հիշեցնենք, որ երեկ ՀՀ վարչապետ Նիկոլ Փաշինյանը՝ անդրադառնալով իր և Ալիևի զրուցին, ասել էր. «Առարկայական խոսակցություն ստացվեց իմ ու Իլհամ Ալիևի միջև, և արդյունքում մի քանի կարևոր կետեր արձանագրեցինք։ Մենք պայմանավորվեցինք, որ մեր պաշտպանության նախարարներին հանձնարարություն տանք կոնկրետ քայլեր ձեռնարկել սահմանագծում լարումն իջեցնելու վերաբերյալ։ Խոսքը վերաբերվում է սահմանային միջադեպերը կանխելուն ուղղված քայլերին։ Սա կարևոր պայմանավորվածություն է»: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00