Հանդիսատեսը Նիկոլայ Մադոյանին առանց «բիս»-երի բաց չի թողել
Կամերային երաժշտության ազգային կենտրոնը տեղեկացնում է, որ Հայաստանի պետական կամերային նվագախմբի 2018-2019 համերգաշրջանի բացման համերգը, որը նվիրված էր ՀՀ անկախության 27-ամյակին, անցել է լեփ-լեցուն դահլիճում: Նվագախումբը (գեղարվեստական ղեկավար և գլխավոր դիրիժոր՝ Վահան Մարտիրոսյան) սեպտեմբերի 19-ին հանդես է եկել Կոմիտասի անվան կամերային երաժշտության տանը՝ դիրիժոր Կարեն Դուրգարյանի ղեկավարությամբ: Որպես մենակատար ելույթ է ունեցել միջազգային մրցույթների դափնեկիր, «Գինեսի» ռեկորդակիր, ջութակահար Նիկոլայ Մադոյանը: Լրագրողների հետ զրույցում Կարեն Դուրգարյանն ընդգծել է, որ շատ է սիրում Կամերային նվագախումբը, նախ և առաջ, այն պատճառով, որ բազմաթիվ կոլեգաներ ունի կոլեկտիվում (իր համակուրսեցիներն են): «Նվագախումբն ունի միջազգային բարձր մակարդակ, և ինձ համար մեծ պատիվ է ամեն անգամ նվագախմբի հետ Հայաստանում հանդես գալը, քանի որ տեղի ունկնդիրը շատ յուրօրինակ է, և ամեն մի արտիստ, որը Հայաստանից դուրս է աշխատում ու վերադառնում է Հայաստան, հուզմունքով է ելույթ ունենում այստեղ: Ինձ համար այսօր այդպիսի օր է: Դիրիժորի համար մեծ պատիվ է բացել նվագախմբի համերգաշրջանը»,- նշեց Կարեն Դուրգարյանը: Դիրիժորը մեծ հաջողություններ է մաղթել նվագախմբին՝ նշելով, որ կոլեկտիվը շատ հետաքրքիր ծրագրերով է հանդես գալու: Համերգին Դուրգարյանի ղեկավարությմաբ հնչել են Սարյանի «Գառնին», Հարությունյանի «Սինֆոնիետան», Ալթունյանի «Քոչարին» ու «Բերդ պարը»: Համերգային երեկոյին «Գինեսի» ռեկորդակիր Նիկոլայ Մադոյանը կատարել է Վիվալդիի «Տարվա եղանակները»: Ջութակահարն ընդգծել է, որ այս բացառիկ ստեղծագործությունը ներկայացնում է մարդու կյանքի ամբողջական շրջափուլը: Նշենք, որ նվագախմբի ելույթներն արժանացել են բուռն ծափահարությունների: Հանդիսատեսը Նիկոլայ Մադոյանին առանց «բիս»-երի բաց չի թողել: Կամերային նվագախմբի հաջորդ համերգը կայանալու է հոկտեմբերի 4-ին: Այն նվիրված է Ֆրանկոֆոնիային: Նվագախմբի հետ որպես դիրիժոր հանդես է գալու Ռոբերտ Մլքեյանը: Ելույթ է ունենալու նաև Հայաստանի պետական կամերային երգչախումբը: |
«Ոմանք փորձում են մոռացության մատնել ազգին իր պատմական մշակույթից». Սերգեյ Խաչատրյանի խոսքը՝ համերգի ժամանակ (տեսանյութ)
112Երեկ, 23:54Միքայել արքեպիսկոպոս Աջապահյանը հայտարարությամբ է հանդես եկել (տեսանյութ)
123Երեկ, 19:48«Խոսրովի» արգելոցի՝ խիստ վթարային վիճակում գտնվող զարդը՝ Աղջոց վանքը (լուսանկար)
122Երեկ, 18:48Սերգեյ Խաչատրյանը և Էդուարդ Թոփչյանը համերգային աննախադեպ շրջագայություն կունենան Հայաստանում
139Երեկ, 02:06«Տալույս» երգչախումբը Հայաստանի ու Արցախի օրհներգերով ողջունեց Սրբազանի գլխավորած քայլերթը (տեսանյութ)
13204.05.2024, 20:30«Բանվորի արձան»-ի տապալումից և անհետացումից 7 տարի անց է մասնատված արձանը գտնվել
14401.05.2024, 20:36