Սիրիայի ՀՕՊ-ն Իսրայելին հակահարված տալիս ռուսական ինքնաթիռ է խոցել

Սիրիայի հակաօդային պաշտպանության ուժերն Իսրայելի հրթիռակոծությանը պատասխանելու փորձի ժամանակ ռուսական Իլ-20 ինքնաթիռ են խոցել, որում 14 ռուս զինվորական է եղել, հաղորդում է CNN-ը՝ հղում անելով ԱՄՆ կառավարության՝ իրավիճակին ծանոթ աղբյուրին:

Մեկ այլ աղբյուր պնդել է, որ Իսրայելը հարձակում է գործել սիրիական տարածքի վրա հրթիռային հարվածներով: ՌԴ ՊՆ-ում հաստատել են Միջերկրական ծովում Իլ-20-ի անհետացման տեղեկությունը:

Reuters-ի տեղեկություններով՝ Իսրայելի թիրախում է եղել Լաթաքիայի հետազոտական ինստիտուտը: Իսրայելն այդ տեղեկությունը պաշտոնապես չի հաստատել: