«Խոստանալ այն, ինչը չունես, նշանակում է վտանգել ունենալու իրավունքը»․ այսօր Պաուլո Կոելիոյի ծննդյան օրն է

«Եթե դու ինչ-որ բան շատ ես ցանկանում, ապա ամբողջ տիեզերքը նպաստում է քո ցանկության իրականացմանը»:

Այսօր բրազիլացի գրող և բանաստեղծ Պաուլո Կոելիոյի ծննդյան օրն է։ Նա ծնվել է 1947 թ-ին Ռիո դե Ժանեյրո քաղաքում։ Դեռ վաղ հասակից մեծ սեր է տածել գրականության և ժուռնալիստիկայի հանդեպ։ Ապագա գրողը կիսատ է թողել համալսարանում իրավաբանական կրթությունը և ավելի լուրջ զբաղվել սիրած գործով։ Նրա բուռն ու միևնույն ժամանակ հակասական խառնվածքը նրան մինչև անգամ հոգեբուժարան հասցրեց, սակայն նա անկոտրում էր նունիսկ էլեկտրաշոկի ազդեցության նկատմամբ։ Հետագայում նա խորապես հետաքրքրվում է, նաև, թատրոնով, ճանապարհորդությամբ։ Հեղինակ է 16 վեպերի և վիպակների, այդ թվում՝ «Հրաշագործի օրագիրը», «Ալքիմիկոսը», «Վալկիրիան», «Մակթուբը», «5-րդ սարը», «Վերոնիկան որոշում է մահանալ», «Տասնմեկ րոպե» և այլն։ Հեղինակին մեծ ճանաչում է բերել «Ալքիմիկոսը» վեպը, որը համարվել է բեսթսելլեր: Գիրքը շրջանառվել է տարբեր լեզուներով։

«Պետք է ականջալուր լինել ձայնին երեխայի, ով եղել ես ժամանակին և ով ապրում է դեռ ինչ-որ տեղ՝ այնտեղ, քո ներսում։ Նրան է տրված հասկանալ կախարդական պահերը կյանքի»։