Այսօր Դավիթ Երևանցու ծննդյան օրն է

Այսօր ՀՀ ժողովրդական նկարիչ Դավիթ Երևանցին (Դավիթ Նիկոլի Բաբայան) նշում է իր ծննդյան 78-ամյակը։ Քանդակագործ Դավիթ Երևանցին 1974թ-ից ապրում և ստեղծագործում է Փարիզում։

1968թ-ին ավարտել է Երևանի Փանոս Թերլեմեզյանի գեղարվեստի ուսումնարանը։

Նրա ստեղծագործություններում նկատվում է հին եգիպտական և ուրարտական արվեստի ազդեցությունը։ Հեղինակի աշխատանքները զարդարում են մեր մայրաքաղաքը։ Հայտնի են նրա ստեղծագործություններից՝ «Ղարաբաղցի կինը», «Ուժ»-ը, «Սիրո միություն»-ը, Կոմիտասի բրոնզաձույլ արձանը և այլն։