Երևան`   +14 °C
Այսօր`   Ուրբաթ, 29 մարտի, 2024 թ.

Վենեսուելայում ուժգին երկրաշարժ է տեղի ունեցել

5708
Չորեքշաբթի, 22 օգոստոսի, 2018 թ., 10:30
Վենեսուելայում ուժգին երկրաշարժ է տեղի ունեցել

Վենեսուելայի հյուսիսում 6,3 մագնիտուդ ուժգնությամբ երկրաշարժ է տեղի ունեցել: Նման տվյալներ են հայտնել տեղի իշխանությունները: Միջերկրածովյան սեյսմոլոգիական կենտրոնը (EMSC) հայտնել է 7 մագնիտուդ ուժգնության մասին:

Երկրաշարժի հիպոկենտրոնը գտնվել է 0,1 կմ խորության վրա Սուքրե նահանգից 19 կմ հեռավորության վրա գտնվող Յագուարապարո բնակավայրում:

«Մեզ մոտ հզոր ստորգետնյա ցնցումներ են եղել, ավելի քան 6 մագնիտուդ ուժգնության երկրաշարժ է գրանցվել: Սակայն, փառք Աստծո, նյութական վնաս և զոհեր չունենք»,- ասել է Սուքրե նահանգի նահանգապետը:

Նրա խոսքով՝ տեղի բնակիչները վախեցել են ցնցումների ուժգնությունից, շատերը դուրս են եկել փողոց և առայժմ չեն պատրաստվում վերադառնալ իրենց տները: