Ինդոնեզիայում կրկին երկրաշարժ է տեղի ունեցել

Ինդոնեզիայի Լոմբոկ կղզում կրկին երկրաշարժ է տեղի ունեցել՝ այս անգամ 5,5 մագնիտուդ ուժգնությամբ: Ըստ էպիկենտրոնում ցնցումների ինտենսիվության՝ սեյսմոլոգներն այն գնահատել են «շատ ուժգին»:

Հիշեցնենք՝ կիրակի տեղի ունեցած երկրաշարժի հետևանքով զոհվել է շուրջ 100, վիրավորվել 230 մարդ: Երկրաշարժին տասնյակ հետցնցումներ են հաջորդել: