«Հուսով եմ՝ Իտալիան նույնպես շուտով կվավերացնի ՀՀ–ԵՄ համաձայնագիրը». Արմեն Սարգսյանը հյուրընկալել է Իտալիայի նախագահին
Հուլիսի 30-ին Իտալիայի Հանրապետության նախագահ Սերջիո Մատարելան՝ դստեր Լաուրա Մատարելայի հետ պետական այցով ժամանել է Հայաստան: Երկօրյա պետական այցն իրականացվում է Հայաստանի Հանրապետության նախագահ Արմեն Սարգսյանի հրավերով: Նախագահ Մատարելայի գլխավորած պատվիրակության կազմում են Իտալիայի արտաքին գործերի և միջազգային համագործակցության նախարար Էնցո Մոավերո Միլանեսին, պաշտոնատար այլ անձինք: Պետական այցի շրջանակում Իտալիայի նախագահը հանդիպումներ կունենա երկրի բարձրագույն ղեկավարության հետ, կհյուրընկալվի Ն.Ս.Օ.Տ.Տ Գարեգին Բ Ամենայն Հայոց Կաթողիկոսին: Սերջիո Մատարելայի գլխավորած պատվիրակությունը կայցելի Մեծ Եղեռնի հուշահամալիր, ծաղկեպսակ կդնի Հայոց ցեղասպանության զոհերի հիշատակը հավերժացնող հուշարձանին։ Հայաստանի նախագահ Արմեն Սարգսյանի և Իտալիայի նախագահ Սերջիո Մատարելայի միջև զրույցն ընթացել է ջերմ մթնոլորտում, եղել է բավական բովանդակալից քննարկում հայ-իտալական համագործակցության լայն օրակարգի շուրջ: Երևանում ճեպազրույցի ընթացքում այս մասին նշեց ՀՀ նախագահ Արմեն Սարգսյանը: Նա շեշտեց, որ կողմերը վերահաստատել են միջպետական հարաբերություններն ամրապնդելու հանձնառությունը: «Համաձայնեցինք, որ պետք է լրացուցիչ ջանքեր ներդնել հայ-իտալական գործակցությանը նոր, դինամիկ զարգացում հաղորդելու ուղղությամբ ինչպես երկկողմ ֆորմատով, այնպես էլ միջազգային հարթակում, այդ թվում՝ Հայաստան-ԵՄ համագործակցության շրջանակում: Արձանագրեցինք, որ Իտալիան, ընթացիկ տարի լինելով նաև ԵԱՀԿ նախագահող երկիր, կշարունակի աջակցել Լեռնային Ղարաբաղի հիմնահարցի կարգավորման միակ միջազգային ձևաչափին՝ ԵԱՀԿ Մինսկի խմբի համանախագահությանը: Անդրադարձանք Հայաստան-ԵՄ գործընկերությանը: Սա ևս մի հարթություն է, որտեղ հայ-իտակական հարաբերությունները խորացնելու մեծ հեռանկար ունենք: Այս առնչությամբ հույս հայտնեցի, որ Իտալիան նույնպես շուտով կվավերացնի Համապարփակ և ընդլայնված գործընկերության համաձայնագիրը»,- ՀՀ նախագահը նշեց, որ երկկողմ գործակցության կայուն զարգացման համատեքստում կարևորել են երկու երկրների միջև առկա իրավապայմանագրային դաշտի լիարժեք օգտագործումը, որն ընդգրկում է 3 տասնյակից ավելի իրավական փաստաթուղթ: Երկու երկրների նախագահներն արձանագրել են տնտեսական, գործարար, մշակութային և գիտակրթական կապերի խորացման անհրաժեշտությունը, ինչպես նաև մարդկային շփումների կարևորությունը: «Կարևորելով մշակութային ժառանգության պահպանության հարցը, մեր համագործակցությունն էլ ավելի մեծ թափ կստանա Երևանում հայ-իտալական մշակութային ժառանգության պահպանման կենտրոնի բացումով, որը տեղի կունենա վաղը: Վստահ եմ, որ պարոն նախագահի պետական այցն ամուր հիմքեր կստեղծի հայ-իտալական քաղաքական երկխոսությունը և բազմոլորտ համագործակցությունը որակական նոր մակարդակի բարձրացնելու համար»,- հավելեց Արմեն Սարգսյանը:
|
Վարչապետը ներկայացրել է սահմանազատման գործընթացում առկա իրավիճակը
8713:36«Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ». Գևորգյան
30701:00Ֆրանսիան որոշել է հետ կանչել Ադրբեջանում իր դեսպանին
38200:30«ՀԱՊԿ-ն հույս ունի, որ Հայաստանի ղեկավարությունը քաղաքական սթափություն կդրսևորի». Թասմագամբետով
467Երեկ, 21:36«Ադրբեջանի պահանջները անվտանգային նոր մարտահրավերների առջև են կանգնեցնում Հայաստանին». Գարեգին Բ
448Երեկ, 16:30ՊՆ պաշտոնյան մեղադրվում է մի շարք զորակոչիկների օգտին ապօրինի գործողություններ կատարելու համար 125.000 դոլար կաշառք ստանալու մեջ
276Երեկ, 13:18