««Սուրբ Գրիգոր Լուսավորիչ» ԲԿ ՓԲԸ տնօրենն ազատվել է աշխատանքից». Արսեն Թորոսյան

ՀՀ առողջապահության նախարար Արսեն Թորոսյանը «Ֆեյսբուք»-ի իր էջում տեղեկացրել է.

«Սուրբ Գրիգոր Լուսավորիչ ԲԿ ՓԲԸ տնօրենն ազատվել է աշխատանքից՝ հաշվի առնելով ՀՀ ԱՆ ուսումնասիրության արդյունքում հայտնաբերված խախտումների ահռելի ծավալը և դրանց մինչ օրս կրկնվող բնույթը։ Նոր տնօրենի մրցույթը տեղի կունենա օրենքով սահմանված կարգով, ինչի մասին լրացուցիչ կտեղեկացնենք։

Մանրամասները հաջորդիվ»։

Հիշեցնենք, որ օրերս Առողջապահության նախարարը տեղեկացրել էր, որ խախտումներ են հայտնաբերվել Սերժ Սարգսյանի խնամի Արա Մինասյանի ղեկավարած «Սուրբ Գրիգոր Լուսավորիչ» բժշկական կենտրոնում: