Մինաս Ավետիսյանի 40-ից ավելի գործեր փրկել է Ռաֆայել Ջավախյանը

Անվանի գեղանկարիչ Մինաս Ավետիսյանի հայտնի գործերը տեսնելու և նրա արվեստին հաղորդակցվելու հնարավորություն ալավերդցիներն ունեցել են դեռևս 1988-ին, երբ Սպիտակի աղետալի երկրաշարժի օրերին Հայաստանի ազգային պատկերասրահի Ալավերդու մասնաճյուղի տնօրեն, նկարիչ, քանդակագործ Ռաֆայել Ջավախյանը նկարչի շուրջ 40 կտավները փրկել ու հասցրել է Ալավերդի: Պատկերասրահում ասում են, որ թեև հիմա նկարներն այստեղ չեն, բայց Մինասի արվեստի շունչը մինչև հիմա էլ զգում են իրենց պատերի ներսում, այս մասին հայտնում է Ալավերդու հեռուստաընկերությունը: