Երևանում Վարդավառի տոնին նվիրված միջոցառումները մեկնարկել են

Ինչպես արդեն հայտնել էինք, Վարդավառին նվիրված՝ «Երևան 2800» հոբելյանական միջոցառումների ծրագրով արդեն մեկնարկել է տոնական երթը՝ Առաջնորդանիստ Սուրբ Սարգիս եկեղեցուց մինչև Երևանի մանկական զբոսայգի, որտեղ տեղի կունենա տոնը խորհրդանշող ազգային երգ ու պարով միջոցառում:

Իսկ, հուլիսի 8-ին՝ ժամը 12:00-ին, Կարապի լճի հարակից տարածքում՝ կանցկացվի ավանդական դարձած «Վարդավառի տոնը Երևանում» գլխավոր միջոցառումը:
Միաժամանակ, մայրաքաղաքի բոլոր վարչական շրջաններում առավոտից կմեկնարկեն տարաբնույթ միջոցառումներ: