Հայաստանում առաջին անգամ կցուցադրվի «ՀՈԳԻՍ. երազի՛ր, սիրի՛ր, հավատա՛» պարային երաժշտական ներկայացումը
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ և Հայկական Բարեգործական Ընդհանուր Միության նախաձեռնությամբ մայիսի 29-ին, ժամը 19։30-ին, Գաբրիել Սունդուկյանի անվան Ազգային ակադեմիական թատրոնում տեղի կունենա Մայր Աթոռ Սուրբ Էջմիածնի և ՀԲԸՄ Նորքի Հայորդյաց տան «ՀՈԳԻՍ. երազի՛ր, սիրի՛ր, հավատա՛» պարային երաժշտական ներկայացումը՝ նվիրված Հայաստանի առաջին Հանրապետության 100-ամյա հոբելյանին։ Ներկայացումն առաջին անգամ հանդիսատեսի դատին է հանձնվել 2016 թ. Նյու Յորքի Բրոդվեյ Սիթի Սենթր թատրոնում։ Հայաստանյան հանդիսատեսի համար այն ներկայացվում է առաջին անգամ։ Ներկայացման սյուժեն խորհրդանշական կերպով կառուցված է հայ ժողովրդի պատմության շրջափուլերով՝ անդրադառնալով մեր ազգի անցած ուղուն և դժվարության պահին սխրանքի պատրաստ հայ տեսակին՝ մասնավորաբար շեշտելով արդի ժամանակներում Հայաստան-Սփյուռք միասնության և Հայաստանի նորագույն պատմության ընթացքը կերտող հաղթական երիտասարդության հոգևոր ինքնության պահպանման հրամայականը։ Ներկայացմանը ներգրավված են Մայր Աթոռ Սուրբ Էջմիածնի և ՀԲԸՄ Նորքի Հայորդյաց տան պարային դպրոցի, կրկեսի, թմբկահարների դասարանների շուրջ 100 սաներ։ Ներկայացումը բեմադրվել է Գրիգոր Խաչատրյանի և Արման Ջուլհակյանի կողմից, պրոդյուսերներն են Անի Սեդրակյանը և Պատրիք Մալաքյանը։ Ներկայացումն իրականացվում է Հայորդյաց տան պարուսույցներ՝ Մելինե Առաքելյանի և Գեորգի Բաբայանի, և հաստատության շրջանավարտ մեներգչուհի Լուիզա Երեմյանի մասնակցությամբ։ |
«Բանվորի արձան»-ի տապալումից և անհետացումից 7 տարի անց է մասնատված արձանը գտնվել
12501.05.2024, 20:36Գանձագողերը քանդում են Կապադովկիայում (Գամիրք) պահպանված միակ հայկական եկեղեցին
11801.05.2024, 17:18«Հայաստանը պատրաստ է ժամանակավոր հյուրընկալել Գազայում վտանգված ձեռագրերը»․ Միրզոյան
14330.04.2024, 19:48Երվանդ Քոչարի մեծածավալ «Ընդվզումը»՝ Պուշկինի փողոցի շենքերից մեկի ճակատին (լուսանկար)
17029.04.2024, 00:06Պեղվում է Չեսար Օրբելյանի ապարանքը Հորսում (լուսանկար)
16528.04.2024, 23:48Մահացել է հայոց ազատամարտի երգիչ Սահակ Սահակյանը (տեսանյութ)
19027.04.2024, 23:18