Կրակոցներ Լուիզիանա նահանգի համալսարանում. կան տուժածներ

ԱՄՆ-ի Լուիզիանա նահանգի համալսարաններից մեկում հրաձգություն է տեղի ունեցել: Դեպքի հետևանքով 2 մարդ է վիրավորվել: Այս մասին հայտնում է կրթական հաստատության վարչակազմը Twitter-ի իր էջում:

Հրաձգությանը մի քանի մարդ է մասնակցել:

«Համալսարանի տարածքում կրակ է բացվել, 2 մարդ վիրավորվել է»,- ասվում է հայտարարության մեջ:

Հաղորդվում է նաև, որ նրանց կյանքին վտանգ չի սպառնում: Իրավապահներն իրավիճակը վերահսկում են, հետաքննություն է ընթանում:

Հիշեցնենք, որ մեկ շաբաթ առաջ ԱՄՆ-ի Ֆլորիդա նահանգում Փարքլենդի դպրոցում հրաձգություն տեղի ունեցավ, որին զոհ դարձավ 17 մարդ: