Պարզվում է՝ Քադաֆին մոտ է եղել «Մանչեսթր Յունայթեդ»-ը գնելուն

Լիբիայի նախկին առաջնորդ Մուամար Քադաֆին պատրաստ էր գնել անգլիական «Մանչեսթր Յունայթեդ»-ի բաժնետոմսերի 29,9 %-ը։ Թիմի ֆինանսիստ Մեհմեթ Դալմանը 2004-ին մեկնել էր Լիբիա՝ Քադաֆիի հետ բանակցություններ վարելու։
«Հանրությունը չի գիտակցում, որքան մոտ էր նա գործարքը կնքելուն։ Քադաֆին գրեթե գնել էր ակումբը։ Խոսքը մի քանի ժամի մասին էր՝ առանց չափազանցնելու»,- նշել է Դալմանը։
«Մանչեսթր Յունայթեդ»-ի բաժնետոմսերը գնելու փաստը հաստատել է նաև Քադաֆիի որդին՝ Սաադին․ «Ես ասում էի հորս, որ դա նման կլիներ անգլիական եկեղեցու գնմանը։ Դա շատ բարդ էր, գուցե՝ անհնարին։ Դա ոսկե, ոսկե ակումբ է»,- նշել է նա։