Ֆրանսիայում 6 մարդ փոթորկի զոհ է դարձել

Ֆրանսիայում «Էլեանոր» փոթորկի հետևանքով 6 մարդ է զոհվել, հաղորդում է 24heures-ը: Ավելի վաղ հաղորդվել է 5 զոհի և 25 տուժածի մասին:

Պարբերականի հաղորդմամբ՝ 80-ամյա մեկ տղամարդ օրեր առաջ անհայտ կորած էր համարվում, կիրակի օրը նրա դին հայտնաբերվել է Սոն և Լուարի գետում:

«Էլեանոր» փոթորիկն իր հետ հորդառատ անձրևներ է բերել, որի հետևանքով Սենայի ջրի մակարդակը՝ սկսած երկուշաբթի օրվանից, բարձրացել է ավելի քան 3 մետրով:

Փարիզում վտանգի դեղին մակարդակ է հայտարարվել:

Իշխանությունները փոթորկի վնասը գնահատել են 200 միլիոն եվրոյի չափով: