Թլպատման ժամանակ բժիշկը սխալմամբ կտրել է երեխայի սեռական օրգանը

Մալայզիական Քաջանգ քաղաքում բժիշկը թլպատման վիրահատություն կատարելու ժամանակ լազերով անզգուշաբար հեռացրել է 10 տարեկան տղայի առնանդամը: Այս մասին գրում է The Malay Mail Online-ը: Դեպքը թեև տեղի է ունեցել մեկ տարի առաջ, բայց տեղական ԶԼՄ-ներին հայտնի է դարձել միայն այժմ, երբ կայացել է 52-ամյա բժիշկ Ալահարի Հաշիմանի դատական առաջին նիստը: Նա մեղադրվում է երեխայի առողջությանը ծանր վնաս հասցնելու համար, ինչի համար նախատեսված է 2 տարվա ազատազրկում և գումարային փոխհատուցում:

Երեխայի առողջական վիճակի մասին տվյալներ չեն հաղորդվում, իսկ կլինիկան, որ գործելիս է եղել ապօրինի, միջադեպից անմիջապես հետո փակվել է: