Եմենում ավիահարվածների հետևանքով 50 մարդ է զոհվել

Սաուդյան Արաբիայի գլխավորությամբ գործող արաբական կոալիցիայի ավիահարվածների հետևանքով Եմենում 50 հուսիթ ապստամբ է մահացել, հաղորդում է Sky News Arabia-ն:
«Սպանվել է Իրանի կողմից ֆինանսավորվող ավելի քան 50 գրոհային: Ռմբակոծությունների թիրախը եղել են Ջարահիի և Հեյսի շրջաններում, նաև Թուհեյթի արվարձաններում տեղակայված ռազմական ամրությունները»,- հայտնել է էմիրաթական լրատվամիջոցը:
Բացի այդ, հեռուստաալիքի տվյալներով, կոալիցիոն ուժերը ոչնչացրել են աշխարհազորայինների արձակած բալիստիկ հրթիռը: Այն ոչնչացվել է Ռաս Իս նավահանգստի շրջանում, արձակման հարթակի հետ միասին: Բալիստիկ հրթիռի թիրախը չի նշվում: