Հայ նկարիչներ. Ժորա Բարսեղյան

«Իմ աշխատանքները սիրով եմ տալիս նրանց, ովքեր կարողանում են հասկանալ ու գնահատել, ովքեր սեր ունեն արվեստի նկատմամբ, սակայն ինձնից լավ ոչ ոք չի կարող պահել իմ ստեղծագործությունները»,- ասում է գեղանկարիչ Ժորա Բարսեղյանը:
Գեղանկարիչը թեև հեղինակ է հազարավոր կտավների ու տասնյակ որմնանկարների, իր կոչումը մանկավարժությունն է համարում: 90-ականներին նա երիտասարդներին նկարել էր սովորեցնում:
Նկարիչը մի առիթով անկեղծացել է, որ դժվար պահերին կողմնոշովելու համար միշտ Աստծուն է դիմել:
Ժորա Բարսեղյանն ապրում և ստեղծագործում է Կոտայքի մարզի Աբովյան քաղաքում։ Առաջին մասնագիտական կրթությունն ստացել է Կիևում: Նա հեղինակ է մոտ 4000 մեծածավալ թեմատիկ կտավների՝ բնանկարների, նատյուրմորտների, 800-ից ավելի դիմանկարների, տասնյակ որմնանկարների։ Բարսեղյանի հեղինակած 35-ից ավելի հուշարձաններ կան նախքին ԽՍՀՄ-ի տարբեր քաղաքներում։ 1995 թվականին Աբովյան քաղաքում հիմնադրել է «Վրձնի պատանի վարպետներ» գեղանկարչական ստուդիան։