Ֆրանսիայում գնացքի և ավտոբուսի բախման հետևանքով երեխաներ են զոհվել

Ֆրանսիայի հարավում գտնվող Փերփինյան քաղաքի մոտկայքում գնացքի և դպրոցական ավտոբուսի բախման հետևանքով առնվազն 4 երեխա է զոհվել, հաղորդում է BBC-ն՝ հղում անելով երկրի ներքին գործերի նախարարությանը:

Եվս 19 մարդ վնասվածքներ է ստացել, նրանցից 7-ը՝ լուրջ վնասվածքներ:

Հաղորդվում է, որ ավտոբուսում 11-ից մինչև 15 տարեկան դպրոցականներ են գտնվել:

Դեպքի վայր են ժամանել արտակարգ իրավիճակների ծառայությունների 70 աշխատակից և 4 ուղղաթիռ:

Դեպքի պատճառները դեռևս հայտնի չեն: