Երևան`   +17 °C
Այսօր`   Հինգշաբթի, 21 հունիսի, 2018 թ.

Հեղափոխությունը դեռ չի ավարտվել․ Գևորգ Սաֆարյան ՍիվիլՆեթ

53
Չորեքշաբթի, 13 հունիսի, 2018 թ., 19:39

Քաղաքական ակտիվիստ Գևորգ Սաֆարյանը հունիսի 13-ին ազատ արձակվեց Վերաքննիչ քրեական դատարանի դահլիճից։ Սաֆարյանը, որին առաջին ատյանի դատարանը դատապարտել էր 5 տարի 5 ամիս ազատազրկման, վերաքննիչ դատարանի կողմից չարդարացվեց։ Նա դատապարտվեց երկու տարի վեց ամիս ազատազրկման, սակայն դատարանը փոխեց նրա խափանման միջոց կալանքը՝ բնակավայրից չհեռանալու մասին ստորագրությամբ։ Ակտիվիստը մեղադրվում է 2015թ․ ապրիլի 24-ին զանգվածային անկարգություններ նախապատրաստելու մեջ։ Հունիսի 13-ին Վերաքննիչ քրեական դատարանը Ժիրայր Սեֆիլյանին, Գևորգ Սաֆարյանին,Հրայր Թոփչյանին, Գալուստ Գրիգորյանին, Ներսես Պողոսյանին, Սասունիկ Կիրակոսյանին ազատ արձակելու որոշում կայացրեց։ Դատարանի որոշումով վերջիններս ոչ թե արդարացվեցին, այլ նրանց խափանման միջոցը կալանքից փոխվեց չհեռանալու մասին ստորագրությամբ: Վերաքննիչ դատարանը նաև մեղմացրեց ինչպես Սեֆիլյանի և Սաֆարյանի, այնպես էլ մյուս անբաստանյալների պատիժը։ Սեֆիլյանի ազատազրկման դատավաճիռը տասը տարի հինգ ամիս ժամկետից իջեցվեց մինչև հինգ տարի հինգ ամսվա, Սաֆարյանի հինգ տարի վեց ամսվա ազատազրկման դատավճիռը փոխարինվեց երկու տարի վեց ամսվա դատավճռով։ Հրայր Թոփչյանի, Ներսես Պողոսյանի, Սասուն Կիրակոսյանի, Գալուստ Գրիգորյանի դատավճիռները երեքուկես-չորս տարուց կրճատվեցին մինչև երկու տարվա։ - Subscribe to our channel: https://goo.gl/UnKG5U - Follow us on Twitter: https://twitter.com/CivilNetTV - Find us on Facebook: https://www.facebook.com/CivilNet.TV - Check our website: https://www.civilnet.am/ © Նյութի հեղինակային իրավունքները պատկանում են Սիվիլիթաս հիմնադրամին: ՍիվիլՆեթի խմբագրական քաղաքականության համաձայն՝ արգելվում է օգտագործել ՍիվիլՆեթի նյութերը առանց պատշաճ հղման, ներբեռնել և այլ օնլայն հարթակից վերբեռնել ՍիվիլՆեթի պատրաստած և տարբերանշանը կրող տեսանյութերը՝ առանց համապատասխան համաձայնության: © Copyright of this report belongs to the Civilitas Foundation. In accordance with the editorial policy of CivilNet (the media project of the Civilitas Foundation), materials may not be reproduced, distributed, transmitted, displayed, published or broadcast without the prior consent of CivilNet. You may not alter or remove any trademark, copyright or other notice from copies of the content.