Երևան`   +16 °C
Այսօր`   Ուրբաթ, 29 մարտի, 2024 թ.

Հայ ներկրողների օրինակով. Վրաստանում ևս բեռնատարների վարորդները բողոքի ակցիաներ են անցկացնում. «Ժամանակ»

332
Չորեքշաբթի, 19 սեպտեմբերի, 2018 թ., 09:50
Հայ ներկրողների օրինակով. Վրաստանում ևս բեռնատարների վարորդները բողոքի ակցիաներ են անցկացնում. «Ժամանակ»

«Ժամանակ»-ը գրում է. «Վրաստանում ևս բեռնատարների վարորդները բողոքի ակցիաներ են կազմակերպում՝ պահանջելով կառավարությունից չեղյալ ճանաչել ավտոմոբիլային տրանսպորտով հացահատիկ տեղափոխելու արգելքը: Վրացի ավտոփոխադրողները մեկ օր ժամանակ են տվել ֆինանսների նախարարին այդ որոշումը չեղարկելու համար՝ այլապես սպառնալով ավելի մասսայական բողոքի գործողություններով՝ պատճառաբանելով, որ այդ որոշման արդյունքում անգործ է մնում 10 հազար մարդ: Վրացի վարորդները հիմնավոր կասկածներ ունեն, որ արգելքի իրական նպատակը հացահատիկի տեղափոխման ոլորտում մենաշնորհի հաստատումն է:

Հայ վարորդները, որոնք բողոքի էին դուրս եկել սեպտեմբերի 15-ին, դադարեցրին իրենց գործողությունները միայն այն պատճառով, որ Վրաստանի կառավարությունը 15 օրով հետաձգեց որոշման կիրառումը՝ սեպտեմբերի 15-ից տեղափոխելով հոկտեմբերի 1»:

Մանրամասները՝ թերթի համարում: