«Նույնիսկ քրիստոնեական երկրներում շիա հավատացյալների նկատմամբ նման արգելքներ, ինչպիսին Ադրբեջանում են, չկան». Վարդան Ոսկանյան
Իրանագետ Վարդան Ոսկանյանը ֆեյսբուքյան իր էջում գրում է. «Այն դեպքում, երբ Ատրպատականի շիայական հոգևորականությունը բավական հաճախ է անդրադառնում Ադրբեջանական Հանրապետությունում շիա հավատացյալների խնդիրներին, անցյալ շաբաթ դրանց գրեթե բացառիկ անդրադարձ է եղել հենց Իրանի Իսլամական Հանրապետության մայրաքաղաքից։ Մասնավորապես, Թեհրանի ժամանակավոր ուրբաթօրյա աղոթապետ Քազեմ Սադիղին սպառնալից քննադատություն է հնչեցրել մահմեդական մուհարրամ ամսվա շիայական սգո արարողություններին հավատացյալների մասնակցությունն ամեն կերպ արգելող և սահմանափակող Բաքվի բռնապետական վարչակարգի հասցեին, հայտարարելով՝ «Ես Ադրբեջանի կառավարությանը հորդորում եմ հուսեյնական սգավորների հանդեպ զսպվածություն դրսևորել և նրանց սրտերի վրա ճնշում չբանեցնել, պայթյունի կհանգեցնի։ Հուսով եմ՝ կլսեն և իմամ Հուսեյնի ճանապարհին իրենց ժողովրդի հետ հաշտության կգան»։ Ուշագրավ է նաև, որ իրանցի բարձրաստիճան հոգևորականը, հավանաբար նկատի ունենալով նաև Հայաստանի օրինակը, երբ Երևանի Կապույտ մզկիթում շիա հավատացյալներն ազատորեն կատարում են իրենց բոլոր՝ այդ թվում մուհարրամի սգո ծիսակարգերը, նշել է, թե նույնիսկ քրիստոնեական երկրներում նման արգելքներ, ինչպիսին Ադրբեջանում են, չկան։ |
«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
147Երեկ, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
127Երեկ, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
137Երեկ, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
164Երեկ, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
14220.04.2024, 23:24Հայոց ցեղասպանության զոհերի հիշատակին նվիրված համերգ՝ Հաագայում
41520.04.2024, 00:24