Հայտնի է Հրայր Մկոյանի նոր ակումբը

Հայաստանի ազգային հավաքականի կենտրոնական պաշտպան Հրայր Մկոյանը կարիերան կշարունակի «Արարատ-Արմենիա» ակումբում՝ հանդես գալով 20 համարի ներքո: Գյումրեցի ֆուտբոլիստը մարզական կարիերան սկսել է «Շիրակ» ակումբում, այնուհետև հանդես է եկել հայաստանյան և արտասահմանյան մի շարք ակումբներում, արտերկրում մասնավորապես հանդես է եկել «Սպարտակ Նալչիկ» -ում, ապա չեխական «Դինամո Բուդյովիչե» և իրանական «Էսթեղլալ» ակումբներում: 2009 թվականից հանդիսանում է Հայաստանի ազգային հավաքականի անդամ, որի կազմում մասնակցել է 44 խաղի։