Երևան`   +24 °C
Այսօր`   Չորեքշաբթի, 26 սեպտեմբերի, 2018 թ.

«Եթե հուլիսի 16-ին Երևանի ավագանին ընտրի քաղաքապետ, մեկ տարի նրան որևէ մեկը չի կարող անվստահություն հայտնել». Նորայր Նորիկյան

180
Հինգշաբթի, 12 հուլիսի, 2018 թ., 15:40
«Եթե հուլիսի 16-ին Երևանի ավագանին ընտրի քաղաքապետ, մեկ տարի նրան որևէ մեկը չի կարող անվստահություն հայտնել». Նորայր Նորիկյան

Փաստաբան Նորայր Նորիկյանը «Ֆեյսբուք»-ում գրել է.

Քիչ առաջ Երևան քաղաքի ավագանին որոշում կայացրեց քաղաքապետի արտահերթ ընտրություններն անցկացնել ս.թ. հուլիսի 16-ին:

Այսպիսի շտապողականությունից կարել է եզրակացնել, որ չի բացառվում, որ Հանրապետական խմբակցությունը կարող է առաջադրել իր թեկնածուին և ընտրել քաղաքապետ, քանի որ այս պահին ունի ավագանու ընդհանուր թվի ձայների մեծամասնությունը:

Հատկանշական է, որ «Երևան քաղաքում տեղական ինքնակառավարման մասին» ՀՀ օրենքի 40-րդ հոդվածի 8-րդ կետով սահմանված կարգով Երևանի քաղաքապետին կարող է անվստահություն հայտնվել միայն մեկ տարի հետո:

Սա նշանակում է, որ եթե ս.թ. հուլիսի 16-ին Երևանի ավագանին ընտրի Երևանի քաղաքապետ, ով էլ, որ նա լինի, մեկ տարի նրան որևէ մեկը չի կարող անվստահություն հայտնել՝ դրանից բխող բոլոր հետևանքներով...