Մուայթայ. հայ մարզիկները 2 մեդալով են վերադառնում Պրահայից

Չեխիայի մայրաքաղաք Պրահայում ավարտվել է մուայթայի Եվրոպայի երիտասարդների և մեծահասակների առաջնությունը, որին մասնակցել է 33 երկիր։ Հայաստանը ստուգատեսին ներկայացրել է 4 մարզիկ, որոնցից 2-ը մեդալներով է վերադառնում հայրենիք։ Մեր երիտասարդների կազմից 2 հոգի զբաղեցրել են 3-րդ տեղը։ Բրոնզե մեդալների են արժանացել 60 կգ քաշային 17-ամյա Ռազմիկ Գրիգորյանը և 63,5 կգ քաշային 17-ամյա Արման Գալստյանը։