Ստեփանակերտում կայացել է սպորտային պարերի միջազգային մրցույթ-փառատոն
Հուլիսի 1-ից 2-ը «Պարի և սպորտային պարերի համահայկական խորհրդի» և Արցախի «Պարի և սպորտային պարերի միություն» ՀԿ-ի համատեղ ջանքերով, Ստեփանակերտում տեղի է ունեցել սպորտային պարերի երկրորդ միջազգային մրցույթ-փառատոնը, որի շրջանակներում կայացել է «Ստեփանակերտի գավաթ» բաց առաջնությունը: Ստեփանակերտում երկրորդ անգամ անցկացվող սպորտային պարերի փառատոնին մասնակցելու Արցախ է ժամանել մոտ 500 մասնակից՝ Ռուսաստանից (Մոսկվա, Սանկտ-Պետերբուրգ), Ուկրաինայից (Կիև), Մոլդովայից (Քիշնև), Լեհաստանից (Լյուբլին), ԱՄՆ-ից (Գլենդել), Պարսկաստանից (Թեհրան), Հայաստանից (Երևան, Գյումրի, Արմավիր, Էջմիածին) ու Արցախից (Ստեփանակերտ): Փառատոնի շրջանակներում Ստեփանակերտի մշակույթի և երիտասարդության պալատում հուլիսի 1-ին կայացել է բարեգործական համերգ, որից ստացված ողջ հասույթը՝1 մլն 200 հազար ՀՀ դրամը, փոխանցվել է Ստեփանակերտի Քերոլայն Քոքսի անվան վերականգնողական կենտրոնին: Հուլիսի 2-ին մրցույթը շարունակվել է Ստեփանակերտի N 6 դպրոցում, իսկ երեկոյան տեղի է ունեցել մրցանակաբաշխությունն ու փակման հանդիսավոր արարողությունը: Հուլիսի 3-ին ԿԳՍ նախարարը հյուրընկալել է փառատոնի շրջանակներում Արցախ ժամանած միջազգային կարգի վարպետներ Օքսանա Սեմյոնովային (Մոլդովա), Սերգեյ Կոբիլկինին (Լեհաստան), Օլեգ Դաշկևիչին (Ռուսաստան), Օլեգ Կուդինովին (Ռուսաստան), Իգոր Մաշինին (Ուկրաինա), Լարիսա Մաշինային (Ուկրաինա) ու Պարի և սպորտային պարերի համահայկական խորհրդի նախագահ Մարիաննա Մամյանին: |
Գագիկ Նավոյանը՝ Հայաստանի մինչև 16 տարեկանների չեմպիոն
12021.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
15920.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
16920.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
13619.04.2024, 22:48Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
13519.04.2024, 11:00«Մարզադաշտի հանդերձարանում «Բաքսի» է տեղադրվել, սակայն այնտեղ էլեկտրական հոսանք, բնական գազ չկա». Ոսկան Սարգսյան
69717.04.2024, 05:24