Ըմբշամարտ. Կարեն Խաչատրյանը՝ պատանիների աշխարհի չեմպիոն, Շանթ Խաչատրյանը՝ արծաթե մեդալակիր

Զագրեբում ընթացող ըմբշամարտի աշխարհի պատանեկան առաջնությունում Հայաստանը ներկայացնող Կարեն Խաչատրյանը նվաճել է ոսկե մեդալ: 80 կգ քաշայինների պայքարում նա 2։1 հաշվով հաղթել է վրացի Գեորգի Ցոպուրաշվիլիին՝ հռչակվելով աշխարհի չեմպիոն։ Մեր մյուս ներկայացուցիչը՝ 65 կգ քաշային Շանթ Խաչատրյանը, եզրափակչում 0։3 հաշվով պարտվել է Ռուսաստանը ներկայացնող Մուսլիմ Իմադաևին՝ նվաճելով արծաթե մեդալ։