Հայ պատանիները հաղթանակած են վերադարձել Wonderland-2018 միջազգային մրցույթ-փառատոնից
Հայ պատանիները հաղթանակներ են գրանցել Վրաստանում անցկացված Wonderland-2018 միջազգային մրցույթ-փառատոնին: «Վրաստանից՝ սիրով» խորագրի ներքո անցկացված միջազգային իրադարձությանը մասնակցել են խմբեր Հայաստանից ու մարզերից, ովքեր գրավել են մրցանակային հորիզոնականներ: «Այս տարի կրկին մեր մասնակիցները փայլեցին Բաթումիի օպերային թատրրոնում անցկացված Wonderland-2018 միջազգային մրցույթ-փառատոնին: Այս մրցույթ-փառատոնը ներառում է արվեստի տարբեր ճյուղեր՝ երգ, պար, նկարչություն, թատրոն, ասմունք և այլն: Մրցույթին մասնակցել է 58 հայ պատանի, և նրանց մեծ մասը գրավել են մրցանակային տեղեր»,- նշում է «Մինորա» մշակութային կենտրոնի հիմնադիր և տնօրեն Ռոլանդ Ռեյը (Աբրահամյան), ով նաև Wonderland-2018 միջազգային մրցույթ-փառատոնի ժյուրիի անդամներից էր: Նշենք, որ մրցութային ժյուրին բաղկացած էր 9 երկրների ոլորտի առաջատար մասնագետներից, պրոֆեսիոնալներից: Ռոլանդ Ռեյի (Աբրահամյան) խոսքով՝ միջազգային մրցույթին մասնակցել են 1500-ից ավելի պատանի արտիստներ 15 երկրներից: Հայ պատանիները ներկայացել են տարբեր ոճերում ու տարիքային խմբերում, հանդես եկել ինքնատիպ ելույթներով, և արդյունքում վերադարձել են հայրենիք հաղթանակներով՝ գրավելով I, II, III տեղերը տարբեր տարիքային խմբերում: Նշենք, որ իրադարձությանը մասնակցել են Ջիվանու աշուղական դպրոցի Արմինե Հունանյանի վոկալի խումբը, Հրազդանի «Արամազդ» թատերախումբը, Նոր Գեղիի «Կանթեղ» երգչախումբը, Ծաղկաձորի արվեստի դպրոցի պարային խումբը, Մարալիկի «Անի» պարային համույթը, Երևանի «Արարատ» պարային համույթը, ինչպես նաև ասմունքող Վանաձորից: |
«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
147Երեկ, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
127Երեկ, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
137Երեկ, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
164Երեկ, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
14220.04.2024, 23:24Հայոց ցեղասպանության զոհերի հիշատակին նվիրված համերգ՝ Հաագայում
41520.04.2024, 00:24