«Թուրքիան ժողովրդավարության դաս տվեց ողջ աշխարհին». Էրդողան
Թուրքիայի գործող նախագահ Ռեջեփ Էրդողանը դիմել է իր աջակիցներին և հայտարարել, որ ըստ բոլոր ընտրատեղամասերի տվյալների՝ հաղթում է նախագահական ընտրություններում առանց երկրորդ փուլի, հաղորդում է BBC-ն: «Թուրքիան ժողովրդավարության դաս տվեց ողջ աշխարհին»,- ասել է Էրդողանն Ստամբուլում իր աջակիցների առջև ելույթի ժամանակ: Վկայակոչելով պաշտոնական տվյալները՝ Էրդողանն ասել է, որ հավաքել է ձայների 53%-ը, իսկ իր մրցակից Մուհարեմ Ինջեն՝ 31%-ը: Էրդողանը նաև հայտարարել է, որ ըստ ոչ պաշտոնական տվյալների՝ իր «Արդարություն և զարգացում» կուսակցությունը խորհրդարանում ապահովել է մեծամասնությունը: «Երկիրն ինձ վստահել է նախագահի և գործադիր իշխանության պատասխանատվությունը»,- հավելել է 64-ամյա քաղաքական գործիչը: Նշենք, որ Էրդողանին առաջինը շնորհավորել է Ադրբեջանի նախագահ Իլհամ Ալիևը: Հավելենք նաև, որ Թուրքիայում շարունակում է գործել արտակարգ դրությունը, որը հայտարարվել էր 2016թ. հուլիսին ռազմական հեղաշրջման փորձից հետո: Թուրքիայում նախագահական ընտրությունները պետք է կայանային 2019թ., սակայն Էրդողանն արտահերթ ընտրություններ նշանակեց: Նախընտրական քարոզարշավի վերջին օրը երկու մրցակիցները՝ Էրդողանն ու Ինջեն, հանդես եկան բազմահազարանոց հավաքների ժամանակ, ընդ որում, նրանցից յուրաքանչյուրը հայտարարեց, որ մրցակիցը չի կարող ղեկավարել երկիրը: Ինջեն, ով կարողացավ կարճ ժամանակահատվածում հաջողության հասնել և ոգեշնչել թուրքական ընդդիմությունում նոր ուժերին, խոստացել էր հակազդել Էրդողանի օրոք տիրող «ավտորիտար կառավարմանը»: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30