«Անհիմն ինքնավստահությունը կործանեց ժուլիկ պախանին». Երջանիկ Աբգարյան
ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Անհիմն ինքնավստահությունը կործանեց ժուլիկ պախանին: Ժողովրդի հաղթանակից հետո էլ «հերոս» մանվելը չհասկացավ, որ երկիրը փոխվելու է, որ այդ պարագայում ինքը որևէ ձևով անմասն չի կարող մնալ դրանից: Գոնե սեռժիկի հրաժարականից հետո հայտարարեր, որ անցնում է ժողովրդի կողմը՝ նա սպասողական դիրք ընդունեց անսալով սեռժիկի և ՀՀԿ-ի վարդագույն հորդորներին: Ինքնապաստան կռազի շոֆերը չէր ենթադրում, որ իր վրա որևէ մեկը երբևէ կարող է ձայն ու ձեռք բարձրացնել: Սա մանվելի առաջին կոպիտ սխալն էր: Ինչի՞ց սկսվեց նրա անձեռնմխելիության գործնական կորուստը: Երկրում ընթացող պաշտոնանկությունների և հրաժարականների հեղեղից, ինչպես նաև այդպիսի պահանջներով ժողովրդական ելույթներից: Ալիքը հասավ մանվելի կողմից ճզմված էջմիանցիներին, որոնց մի ստվար մասը փողոց դուրս եկավ՝ պահանջելով մանվելի քաղաքապետ տղու հրաժարականը: Ահա այստեղ էր, որ ինքնավստահ մանվելը թույլ տվեց երկրորդ կոպիտ սխալը: Նա անհաղորդ մնաց այն իրողությանը, որ իր տղայի վրա ձեռք բարձրացնողներն առաջնահերթորեն իր վրա էին ձեռք բարձրացնում: Տղայի հրաժարականը փոքր տիրույթում էր և մանվելը կարող էր նրա պաշտոնը զոհաբերել, դրանով գոնե առժամանակ, ստվերում պահել չտես ու ագահ գեղցու իր անօրինական գործերն ու կուտակած հարստությունները: Ղոչի նման պոզերը տնկած նա դուրս եկավ ժողովրդի դեմ, իր լաքեյներին ու բարեկամներին ներքաշեց հակացույցերի մեջ: Սա դարձավ նրա վերջի սկիզբը: Ո՞ր պետությունը կհանդուրժի այն էլ եռակողմ (մանվելական, դոն պիպոյական և ժողովրդի) քաղաքացիական պատերազմի վտանգի օջախը: Եվ, ի պատիվ նոր իշխանության, այն ճիշտ ժամանակին կարողացավ միջամտել և կանխել այդ եռակողմ վտանգը»: |
«Եթե քաղաքական լուծումներ չգտնվեն, կարող է ծայրահեղ վտանգավոր իրավիճակ ստեղծվել». քաղաքագետ
6517:24«Մենք երբեք չենք մոռացել 4 գյուղերի հարցը»․ Ալիև
12116:54«Վտանգավոր 2 թեզ, որ շրջանառության մեջ են դրել իշխանության դրածոները». Արմեն Հայրապետյան
7116:48«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
7016:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
6516:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
12216:00