Երևան`   +27 °C
Այսօր`   Երկուշաբթի, 18 հունիսի, 2018 թ.

Նաիրա Զոհրաբյանը նույնպես կոշտ հայտարարություն արեց՝ ուղղված Նիկոլ Փաշինյանին

362
Երեքշաբթի, 12 հունիսի, 2018 թ., 17:35
Նաիրա Զոհրաբյանը նույնպես կոշտ հայտարարություն արեց՝ ուղղված Նիկոլ Փաշինյանին

«Այն, որ Գագիկ Ծառուկյանը նախորդ իշխանության հիմնական թիրախն էր, փաստ է ու նախորդ իշխանության վերջին ՀՀԿ-ական վարչապետ Կարեն Կարապետյանը, երկնելով «Բարեգործության մասին» օրենքը, որպես թիրախ ուներ Գագիկ Ծառուկյանին: Անհասկանալի է, թե ինչո՞ւ է այս կառավարությունը բերում այս օրենքը»,- անդրադառնալով Կառավարության կողմից Աժ-ում շրջանառվող «Բարեգործության մասին» օրենքի նախագծին, հայտարարեց Նաիրա Զոհրաբյանը: «Պետություն, արա քո պարտականությունը, եթե չես կարող, մի խանգարիր նրանց, ովքեր անում են: Եթե ոմանց թվում է՝ բերելով այս օրենքը, վատություն են անում Գագիկ Ծառուկյանին, խորապես սխալվում են: Վատություն անելու եք բարեգործությունից օգտվողներին: Եթե ընդունվի, ես հորդորելու եմ պարոն Ծառուկյանին՝ հուլիսի 1-ից դադարեցնել բարեգործական բոլոր ծրագրերը: Ովքեր դիմեն Գագիկ Ծառուկյանին, ուղղորդելու եմ դեպի Կառավարություն»,- ասաց նա: