Երևան`   +27 °C
Այսօր`   Երկուշաբթի, 18 հունիսի, 2018 թ.

Ժիրայր Սեֆիլյանի միջնորդության քննարկումը հետաձգվեց. մեղադրողը պահանջեց մեղմել պատիժը (տեսանյութ)

143
Երկուշաբթի, 11 հունիսի, 2018 թ., 13:57
Ժիրայր Սեֆիլյանի միջնորդության քննարկումը հետաձգվեց. մեղադրողը պահանջեց մեղմել պատիժը (տեսանյութ)

Վերաքննիչ դատարանում այսօր ընթացող Ժիրայր Սեֆիլյանի գործով դատական նիստը հետաձգվեց. մինչ այդ պաշտպան Տիգրան Եգորյանը միջնորդեց փոխել իր պաշտպանյալի խափանման միջոց կալանավորումը: Մեղադրող կողմը չառարկեց միջնորդությանը, սակայն դատարանը որոշում կայացրեց միջնորդության քննարկումը հետաձգել, որի արդյունքները կհրապարակվեն հունիսի 13-ին:

Նշենք, որ մեղադրող Պետրոս Պետրոսյանը պահանջեց Ժիրայր Սեֆիլյանին դատապարտել ազատազրկման 7 տարի ժամկետով, Գալուստ Գրիգորյանին 4-ի փոխարեն դատապարտել 3 տարի ազատազրկման, իսկ Գևորգ Սաֆարյանի նկատմամբ սահմանված պատիժը պայմանականորեն չկիրառել։

Հիշեցնենք, որ Ժիրայր Սեֆիլյանը դատապարտվել է ազատազրկման՝ 10 տարի 5 ամիս ժամկետով: Նա մեղադրվում է զանգվածային անկարգությունների կազմակերպման և զենքի կիրառմամբ շենքերի, կառույցների գրավման նախապատրաստման համար:

Հիշեցնենք նաև, որ ԱԺ «Ելք» և «Ծառուկյան» խմբակցությունների անդամները երաշխավորագիր են ստորագրել Ժիրայր Սեֆիլյանի խափանման միջոցը փոխելու համար: