«Հաղթական կանչ». ցուցահանդես՝ «Նարեկացի» արվեստի միությունում

Մայիսի 28-ին՝ ժամը 18:30-ին, «Նարեկացի» արվեստի միությունում Հայաստանի առաջին հանրապետության տոնի շրջանակներում տեղի կունենա «Հաղթական կանչ» խորագիրը կրող ցուցահանդես:

Միջոցառմանն իրենց մասնակցությունը կցուցաբերեն Իզաբելլա Քեյանը, Նունե Փիլոյանը, Արևշատ Ավագյանը, Կարեն Մովսիսյանը, Արարատ Մինասյանը և Դավիթ Դանիելյանը:

Արվեստագետները կներկայացնեն իրենց հերոսական, ազատատենչ և հայրենասիրական հոգեվիճակն ու զգացմունքներն արտացոլող ինքնատիպ և յուրօրինակ աշխատանքները: