Պաշտոնեական կեղծիքի միջոցով Եղվարդ համայնքում բիտումի, քսայուղերի գործարանի կառուցապատման համար փորձաքննությունների անհրաժեշտությունը քողարկելու փաստի առթիվ քրեական գործ է հարուցվել
ՀՀ Կոտայքի մարզի Եղվարդ համայնքի մի խումբ բնակիչներ դիմել են ՀՀ գլխավոր դատախազություն՝ նույն համայնքում կառուցվող գործարանի կառուցապատման օրինականությունը ստուգելու և մեղավորներին պատասխանատվության ենթարկելու խնդրանքով: Պետական շահերի պաշտպանության վարչությունում ուսումնասիրվել է «Ա...» ընկերությանը քաղաքաշինական փաստաթղթեր տրամադրելու օրինականությունը: Ուսումնասիրության արդյունքում պարզվել է, որ ՀՀ Կոտայքի մարզի Եղվարդ համայնքի ղեկավարի կողմից կայացվել է որոշում «Ա...» ընկերությանը ճարտարապետահատակագծային առաջադրանք տրամադրելու մասին, որի 1-ին կետում արձանագրվել է «Բավարարել «Ա...» ընկերության տնօրենի դիմումը՝ ընկերությանը պատկանող հողատարածքում արտադրական և օժանդակ շինությունների կառուցման վերաբերյալ», իսկ տրված նախագծման թույլտվությամբ (ճարտարապետակատակագծային առաջադրանք) որպես օբյեկտ արձանագրվել է «կառուցվող արտադրական և օժանդակ շինություններ, 3-րդ կատեգորիա»: Եղվարդ համայնքի ղեկավարի կողմից տրվել է նաև շինարարական թույլտվություն՝ ՀՀ Կոտայքի մարզ, ք. Եղվարդ, Երևանյան խճուղի թիվ 000 հողամասում շինարարական աշխատանքներ իրականացնելու համար՝ նշելով որպես «արտադրական և օժանդակ շինությունների 3-րդ կատեգորիա»: Միաժամանակ, ուսումնասիրությունների ընթացքում ՀՀ բնապահպանության նախարարությունից ևս ստացվել են նշված տարածքի հետ կապված վերը թվարկված քաղաքաշինական փաստաթղթերի պատճենները, որոնց բովանդակությունը ակնհայտ հակասել է Եղվարդ համայնքի ղեկավարի կողմից տրամադրված պաշտոնեական փաստաթղթերի բովանդակությանը: Մասնավորապես, ըստ բնապահպանության նախարարությունից ստացված Եղվարդ համայնքի ղեկավարի որոշման պատճենի՝ որոշման 1-ին կետում արձանագրվել է «Բավարարել «Ա.» ընկերության տնօրենի դիմումը ընկերությանը պատկանող հողատարածքում գրասենյակի, բիտումի, քսայուղերի գործարանի և օժանդակ շինությունների կառուցման վերաբերյալ» գրառումը, իսկ նախագծման թույլտվության մեջ որպես օբյեկտ նշվել է «4-րդ կատեգորիա» գրառումը: Շինարարական թույլտվության մեջ ևս նշվել է «4-րդ կատեգորիա, վարչական, արտադրական և օժանդակ շինություններ» գրառումը: Այսպիսով, Եղվարդ համայնքի պաշտոնատար անձինք «Ա.» ընկերության կողմից կառուցապատման նպատակով թույլտվություն տալուն խոչընդոտ հանդիսացող նորմատիվ իրավական ակտերով սահմանված համալիր փորձաքննության, գնահատման և շրջակա միջավայրի վրա ազդեցության փորձաքննության կատարման անհրաժեշտությունը քողարկելու նպատակով համայնքի վարչական մարմնում պահվող քաղաքաշինական փաստաթղթերում մտցրել են ակնհայտ կեղծ տեղեկություններ: Նկատի ունենալով, որ արձանագրված խախտումներն առերևույթ պարունակում են հանցագործության հատկանիշներ՝ ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 314-րդ հոդվածի 1-ին մասով (պաշտոնեական կեղծիք) հարուցվել է քրեական գործ, որի նախաքննության կատարումը հանձնարարվել է ՀՀ քննչական կոմիտեին: Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով: |
«Ներքին Հանդի օրինակով ցույց եմ տալիս՝ ինչ է սպասվում Տավուշում»․ Արման Թաթոյան (տեսանյութ)
3113:48«Ալեն Սիմոնյանը թող գտնի մի հայ ճարտարապետ ու հարցնի Ոսկեպարի Սուրբ Աստվածածին եկեղեցու մասին»․ Ռ․ Մելիքյան
5313:30«Շուռնուխի 10 տներն ինչո՞ւ դեռ չեն կառուցվել»․ լրագրողը՝ Սյունիքի մարզպետին (տեսանյութ)
9012:18«Արցախցիներին տրվող սոցիալական աջակցությունը ևս 9 ամիս կշարունակվի»․ Նարեկ Մկրտչյան (տեսանյութ)
9111:48Ինչպե՞ս են հավաքագրել Crocus City Hall-ի ահաբեկիչներին․ #РИАНовости
19609:54Սպասվում է առանց տեղումների եղանակ (լուսանկար)
14508:30