Սասուն Միքայելյանի արձագանքը Նաիրա Զոհրաբյանի հայտարարությանը

ԱԺ «Ծառուկյան» խմբակցության պատգամավոր Նաիրա Զոհրաբյանը հայտարարել է, որ ԱԺ արտահերթ ընտրությունների դեպքում ԲՀԿ-ն գնալու է մեծամասնություն վերցնելու: Լրագրողների հարցին՝ ինչպե՞ս կարձագանքեք այս հայտարարությանն այն դեպքում, երբ Նիկոլ Փաշինյանի գլխավորած թիմն է հեղափոխության առանցքում, «Ելք» խմբակցության պատգամավոր Սասուն Միքայելյանն ասել է. «Ես գուշակ չեմ, ժողովուրդը պետք է ընտրի ու այդ ժամանակ կերևա՝ ով մեծամասնություն կդառնա, ով՝ փոքրամասնություն»: Հարցին՝ դավադրություններ կլինե՞ն, պատասխանել է. «Դավադրություն անողներն արդեն գնացել են»: