Ըմբշամարտ. Հովհաննիսյանը՝ պատանիների Եվրոպայի չեմպիոն, Կարապետյանը, Խաչատրյանը և Հովհաննիսյանը՝ բրոնզե մեդալակիրներ

Սկոպյեում ավարտվել է ըմբշամարտի Եվրոպայի պատանեկան առաջնությունը, որին մասնակցում էին նաև հայ ըմբիշները: 60 կգ քաշային կարգում հանդես եկող Սահակ Հովհաննիսյանը հռչակվել է Եվրոպայի չեմպիոն: Հայ ըմբիշը անցկացրել է 5 գոտեմարտ: Մինչև կիսաեզրափակիչ նա ուժեղ է եղել ուկրաինացի, սլովակ և թուրք ըմբիշներից, կիսաեզրափակչում 4։1 հաշվով հաղթել է Ֆրանսիան ներկայացնող Գագիկ Սնջոյանին: Եզրափակչում էլ Հովհաննիսյանը 5:3 հաշվով առավելության է հասել վրացի Գեորգի Չխիկվաձեինկատմամբ:

Հայաստանի հավաքականից բրոնզե մեդալներ են նվաճել 48 կգ քաշային Գառնիկ Հովհաննիսյանը, 51 կգ քաշային Ռոբերտ Կարապետյանը և 65 կգ քաշային Շանթ Խաչատրյանը:

80 կգ քաշային կարգում հանդես եկող Կարեն Խաչատրյանը ևս գոտեմարտել է բրոնզե մեդալի համար, սակայն 4:6 հաշվով պարտվել է նորվեգացի Էքսաուս Մուկուբուին:

45 կգ քաշային կարգում էլ հաղոթ է դարձել Բուլղարիան ներկայացնող Էդմոնդ Նազարյանը: Օլիմպիական խաղերի կրկնակի չեմպիոն Արմեն Նազարյանի որդին 4 հաղթական գոտեմարտից հետո, եզրափակչում 3:3 հաշվով առավելության է հասել Ադրբեջանը ներկայացնող Գուրբան Գուրբանովի նկատմամբ: