Վալերի Օսիպյանը ներկայացրել է նորանշանակ փոխոստիկանապետերին

Մայիսի 19-ին ոստիկանության պետ Վալերի Օսիպյանը ոստիկանության կոլեգիայի անդամներին ու ղեկավար կազմին է ներկայացրել ոստիկանության պետի նոր տեղակալներին:
ՀՀ նախագահի հրամանագրերով ոստիկանության պետի առաջին տեղակալ է նշանակվել Քրեական հետախուզության գլխավոր վարչության պետի առաջին տեղակալ Արման Սարգսյանը, տեղակալ՝ ոստիկանության շտաբի պետ Հովհաննես Քոչարյանը:
Ոստիկանության պետի հրամանով Կազմակերպված հանցավորության դեմ պայքարի գլխավոր վարչության պետ է նշանակվել Արտակ Կարապետյանը, որն զբաղեցնում էր ոստիկանության Շիրակի մարզային վարչության պետի պաշտոնը: