Երևան`   +11 °C
Այսօր`   Ուրբաթ, 19 հոկտեմբերի, 2018 թ.

«Սերժ Սարգսյանը նպատակ ունի կոնֆլիկտ հրահրել Նիկոլ-«Սասնա ծռեր» ձևաչափով». Դերենիկ Մալխասյան

394
Հինգշաբթի, 17 մայիսի, 2018 թ., 02:05
«Սերժ Սարգսյանը նպատակ ունի կոնֆլիկտ հրահրել Նիկոլ-«Սասնա ծռեր» ձևաչափով». Դերենիկ Մալխասյան

Ենթադրում եմ, որ Սերժ Սարգսյանը իրեն դեռ ենթակա դատախազների ու դատավորների միջոցով, որոնց վերահսկում է հսկայածավալ կոմպրոմատներով, սաբոտաժի է ենթարկում Նիկոլ Փաշինյանի կառավարության գործունեությունը։
Նախ, քաղբանտրակյալներին ազատ արձակելու գործընթացը վիժեցնելու փորձերով նպատակ ունի կոնֆլիկտ հրահրել Նիկոլ-«Սասնա ծռեր» ձևաչափով։ Սա կթուլացնի Նիկոլ Փաշինյան վարչապետի դիրքերը։
Երկրորդ՝ այդպիսիով նախկին ռեժիմի ներկայացուցիչներին ազդակ է հղում, որ իրական լծակներն ու ուժը իր ձեռքերում են, և դեռ վաղ է հանձնվել, պետք է «մահ կամ իշխանություն» լոզունգով կռվի դուրս գալ հեղափոխության դեմ։ Ինչը և անում են։ Օրինակ, Լոռու մարզպետը Նիկոլ Փաշինյանի վարչապետ ընտրվելուց հետո հայտարարեց, որ հրաժարական կտա, բայց մի քանի օր հետո կտրուկ փոխեց կարծիքը։
Ամերիկյան արդարադատական համակարգում հաճախ կիրառվում է «գործարք» հասկացությունը, երբ հանցագործ խմբի անդմաներից մեկին իր հանցակիցներին հանձնելու դիմաց խոստանում են մեղմացուցիչ պայմաններ կամ պատժից ազատում։ Կարծում եմ հիմա ժամանակն է գործարք առաջարկել նրանց, ովքեր կցանկանան դատարանների ու հանրության առաջ բացել Սերժ Սարգսյանի ավազակապետական ռեժիմի ամբողջ կեղտը։
Օրինակ, կարելի է սկսել Սերժ Սրագսյանի փեսա Միքայել Մինասյանից ու նրան հարցեր տալ, թե որտեղից է կուտակել իրեն վերագրվող հարստությունը։