Երևան`   +8 °C
Այսօր`   Կիրակի, 20 մայիսի, 2018 թ.

Փհենյանն անսպասելի չեղյալ է հայտարարել Սեուլի հետ բանակցություններն ու սպառնացել չեղարկել նաև ԱՄՆ-ի հետ գագաթնաժողովը

909
Չորեքշաբթի, 16 մայիսի, 2018 թ., 10:25
Փհենյանն անսպասելի չեղյալ է հայտարարել Սեուլի հետ բանակցություններն ու սպառնացել չեղարկել նաև ԱՄՆ-ի հետ գագաթնաժողովը

Հյուսիսային Կորեան սպառնացել է չեղյալ հայտարարել ԱՄՆ-ի հետ գագաթնաժողովը, եթե ԱՄՆ նախագահ Դոնալդ Թրամփը շարունակի պնդել, որպեսզի Փհենյանը հրաժարվի միջուկային զենքից, հաղորդում է BBC-ն:

Հյուսիսկորեական նորությունների պաշտոնական գործակալությունը հրապարակել է ԿԺԴՀ ԱԳ փոխնախարարի հայտարարությունը, որում ասվում է, որ եթե ԱՄՆ-ն «միակողմանի կարգով պահանջի, որպեսզի ԿԺԴՀ-ն հրաժարվի միջուկային զենքից, ապա ԿԺԴՀ-ի համար այլևս հետաքրքիր չեն լինի այդ բանակցություններն ու չեղյալ կհայտարարվի նաև ԱՄՆ-ի հետ գագաթնաժողովը»:

Հաղորդվում է նաև, որ Հյուսիսային Կորեան նման որոշում է կայացրել ամերիկա-հարավկորեական համատեղ զորավարժությունների պատճառով:

Հյուսիսային Կորեայի առաջնորդ Կիմ Չեն Ինի և ԱՄՆ նախագահ Դոնալդ Թրամփի հանդիպումը նախատեսված էր անցկացնել Սինգապուրում հունիսի 12-ին: