Դանի Ալվեսը շարքից դուրս է եկել մոտ կես տարով

Բրազիլիայի ազգային հավաքականի և ՊՍԺ-ի պաշտպան Դանի Ալվեսը բաց կթողնի մոտ կես տարի։ Նա ծնկի խաչաձև կապանների վնասվածք է ստացել և մոտ ժամանակներս կվիրահատվի: Այս մասին հայտնել է Բրազիլիայի ազգային հավաքականի բժիշկ Ռոդրիգո Լասմարան: Այսպիսով, Ալվեսը բաց կթողնի աշխարհի 2018 թվականի առաջնությունը։ Հիշեցնենք, որ Ալվեսը վնասվածք է ստացել Ֆրանսիայի գավաթի եզրափակչի՝ «Լե-Էրբիե»-ի դեմ խաղում (2:0)։