«Վարչապետի միակ թեկնածուն». արտասահմանյան ԶԼՄ-ներ
Այսօր արտասահմանյան մի շարք լրատվամիջոցներ անդրադարձել են ԱԺ-ում մեկնարկած վարչապետի ընտրությանը: Արտասահմանյան ԶԼՄ-ներն այսօր հաղորդում են. «Վարչապետի միակ թեկնածուն՝ Նիկոլ Փաշինյանը. Հայաստանը նոր վարչապետ է ընտրում»: BBC-ն գրում է. «Պարոն Փաշինյանը, ով շաբաթներ շարունակ գլխավորեց Երևանում հակակառավարական ցույցերը, առաջադրվել է երկրի վարչապետի պաշտոնին: Նա միակ թեկնածուն է: Սակայն պրն. Փաշինյանը հայտարարել է, որ իշխող Հանրապետական կուսակցությունը կարող է խոչընդոտել ընտրությանը: Բոլոր 47 ընդդիմադիրները պետք է քվեարկեն Փաշինյանի օգտին, սակայն ձայներ են անհրաժեշտ նաև ՀՀԿ-ից: ՀՀԿ-ն իշխող կուսակցություն է 1999թ-ից ի վեր: Պրն. Փաշինյանը պայքարում է կաշառակերության, աղքատության դեմ»: Իր հերթին, National Post-ը գրում է. «Հայաստանի ապագա վարչապետ Նիկոլ Փաշինյանը նախազգուշացրեց, որ երկիրը խորը քաղաքական ճգնաժամի մեջ կհայտնվի, եթե իշխող կուսակցությունը չաջակցի իր թեկնածությունը: Ընդդիմադիր գործիչն օրենսդիրներին նախազգուշացրեց նաև, որ իր չընտրվելու դեպքում Հայաստանում քաղաքական ցունամի է սպասվում»: Seattle Times-ը նշում է, որ եթե վարչապետի պաշտոնում ընտրվի Նիկոլ Փաշինյանն, ապա Հայաստանում իշխանության դրամատիկ փոխանցումն իր կուլմինացիային կհասնի: Նիկոլ Փաշինյանի՝ վարչապետի միակ թեկնածու լինելու, ներհայաստանյան իրավիճակի մասին գրում են նաև Deutsche Welle, France24, Washington Post, Guardian և մի շարք այլ հեղինակավոր արտասահմանյան լրատվամիջոցներ: Հավելենք, որ ռուսական մի շարք լրատվամիջոցներ՝ անդրադառնալով Հայաստանում վարչապետի ընտրությանը, շեշտը դնում են Հայաստան-Ռուսաստան հարաբերությունների մասին՝ Նիկոլ Փաշինյանի հայտարարության վրա: Մասնավորապես, ТАСС գործակալությունը հաղորդում է, որ Նիկոլ Փաշինյանը կարևորել է հայ-ռուսական հարաբերությունները՝ Ռուսաստանին ռազմավարական դաշնակից անվանելով: «Մենք Ռուսաստանին ռազմավարական դաշնակից ենք համարում, և մեր շարժումը դրա համար սպառնալիք չի ներկայացնի: Իմ՝ վարչապետ ընտրվելու դեպքում Հայաստանը կմնա ՀԱՊԿ-ի և ԵԱՏՄ-ի անդամ»,- գործակալությունը մեջբերում է Փաշինյանի խոսքը: РИА «Новости»-ն, իր հերթին հաղորդում է, որ Փաշինյանն այսօր հայտարարել է այն ճնշումների մասին, որոնք գործադրում են խորհրդարանի պատգամավորների վրա երկրի նախկին նախագահներ Սերժ Սարգսյանն ու Ռոբերտ Քոչարյանը՝ կառավարության ղեկավարի ընտրությունը տապալելու նպատակով: «НТВ» և «Первый канал» հեռուստաալիքները ևս հաղորդում են հայ-ռուսական հարաբերությունների վերաբերյալ Փաշինյանի հայտարարության մասին: Նշենք, որ վարչապետի ընտրության մեկնարկն ուղիղ եթերով հեռարձակում են նաև արտասահմանյան լրատվամիջոցները, մասնավորապես, իր լսարանի համար ուղիղ եթեր էր ապահովել ամերիկյան CNN հեռուստաալիքը: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30