«Թուրքական կլկլոցով երգող մեկը գալիս է, ու Համալիրը լցվում է. ժողովրդին հեռացրել են ազգային երաժշտությունից». Ա. Շահնազարյան
«Ժողովրդական երաժշտության ազգային կենտրոնը» 2017 թվականին ստացել է 124 միլիոն 271 հազար դրամի սուբսիդիա: Հանդիսատեսի թիվը՝ 15 360, որից վճարովի՝ 10 363: Տոմսերի վաճառքի ցուցանիշը 2016-ի համեմատ աճել է, նախատեսվածի համեմատ թերակատարել են շուրջ 40 տոկոսով: Վերջին ցուցանիշի վերաբերյալ պատճառաբանությունը գրեթե նույնն էր՝ տոմս իրացնելը Հայաստանում բարդ է, հանդիպման մասին տեղեկացնում է Մշակույթի նախարարությունը «Այս վիճակը պայմանավորված է այսօրվա իրականությամբ: Թուրքական կլկլոցով երգող մեկը գալիս է, ու Համալիրը լցվում է, որովհետև ժողովրդին հեռացրել են ազգային երաժշտությունից: Եվ դա արվում է բոլոր հնարավոր միջոցներով: Ի՞նչ է այսօր մատուցում հեռուսատեսությունը»,-իր վրդովմունքն է հայտնել «Ակունք» համույթի ղեկավար, կոմիտասագետ Արթուր Շահնազարյանը: Նախարարը չի համաձայնել հանդիսատեսի պահանջարկի մասով. «Դո′ւք պետք է ձևավորեք այդ պահանջարկը: Ձեր ստեղծած հրաշալի արվեստը պետք է կարողանաք նաև ճիշտ «փաթեթավորմամբ» ներկայացնել, որպեսզի հանդիսատեսը լավ արվեստի հետ շփվելու հնարավորություն ունենա: Ես համոզված եմ, որ շատ-շատերն ունեն ձեր արվեստի պահանջը, պարզապես ձեր տեղը չգիտեն: Ձեր համերգների խորագրերը պետք է լինեն հասկանալի և թիրախային: Չի՛ կարելի համերգը վերնագրել «Սիրված երգեր», կամ «Հայ կոմպոզիտորների երգեր»: Նման ազդագրերն արդեն հետաքրքիր չեն: Մի′ թերագնահատեք երիտասարդ պրոդյուսերներին, համագործակցե′ք նրանց հետ»,-առաջարկել է նախարարը՝ հրաժեշտ տալով պայմանավորվածությամբ. «Ուղիղ մեկ շաբաթ անց սպասում եմ հրավերի: Կծանոթանամ և՛ ձեզ տրամադրված նոր տարածքին, և՛ ներկայացվող ծրագրին»: Հաշվետվություն են ներկայացրել նաև Պետական ֆիլհարմոնիան և Պետական ջազ նվագախումբը: |
Ադրբեջանցի վանդալները քանդել են Շուշիի հայտնի Կանաչ ժամը
7420:24Արդյո՞ք Կոնդն արժեք ունի. ցուցադրություն՝ նվիրված Կոնդին (լուսանկար)
314Երեկ, 23:48Ռուս խաղաղապահները հեռացել են բռնազավթված Դադիվանքից
70016.04.2024, 18:48Արա Գևորգյանը՝ Երևանի երաժշտական թիվ 13 հատուկ դպրոցի անմխիթար վիճակի մասին (լուսանկար)
73516.04.2024, 14:18«Ստանալու ենք պատիվ և հայրենիք». Բագրատ Սրբազանը՝«Տավուշը հանուն հայրենիքի» շարժման մասին (տեսանյութ)
94116.04.2024, 00:06Վայոց Ձորի թաքնված վանքերից մեկը, որը փոխարինեց Գլաձորի նշանավոր համալսարանին. Հերմոնի վանք (լուսանկար)
113514.04.2024, 22:30