Երևան`   +23 °C
Այսօր`   Չորեքշաբթի, 15 օգոստոսի, 2018 թ.

Մեծ Բրիտանիայում ոստիկանությունը ոչնչացրել է առգրավված գերթանկարժեք Ferrari-ն (տեսանյութ)

1907
Չորեքշաբթի, 21 մարտի, 2018 թ., 00:00
Մեծ Բրիտանիայում ոստիկանությունը ոչնչացրել է առգրավված գերթանկարժեք Ferrari-ն (տեսանյութ)

Մեծ Բրիտանիայում ոստիկանները որոշել են օրինակ վերցնել ավստրալացի գործընկերներից ու ոչնչացնել առգրավված ավտոմեքենան: Ferrari 458 Spider-ը, որն արժե 280 հազար դոլար, ամբարձիչի օգնությամբ մետաղի ջարդոնի է վերածվել, իսկ գործընթացը պատկերող տեսանյութը ֆեյսբուքյան իր էջում հրապարակել է մեքենայի տերը՝ 31-ամյա միլիոնատեր Զահիդ Խանը:
Նա պատմել է, որ ոստիկանությունը մեքենան առգրավել է անցյալ տարվա ապրիլին Բիրմենգհեմում, քանի որ ստուգելու ժամանակ իր մոտ առկա չի եղել մեքենայի սեփականության վկայականը: Իրավապահները կասկածել են, որ մեքենան գողացված է ու այն տարել են տուգանային հրապարակ:
Խանի խոսքերով՝ թանկարժեք ավտոմեքենան նա ձեռք է բերել աճուրդի ժամանակ և մինչ ինքը փորձել է դատարանի միջոցով ապացուցել, որ մեքենան իրեն է պատկանում, ոստիկանությունն այն ոչնչացրել է: Ընդ որում, տիրոջն անգամ չեն էլ նախազգուշացրել, որ մեքենան ջարդուփշուր է արվելու առաջիկայում:
Նշենք, որ ավելի վաղ Ավստրալիայում ոստիկանությունը ոչնչացրել է ապօրինի ավտոմրցույթի ու մասնակիցների մեքենաները: Բացի մեքենաներից զրկվելուց, փողոցային արշավորդները պետք է նաև խոշոր տուգանքներ վճարեն:

Նշենք, որ ավելի վաղ Ավստրալիայում ոստիկանությունը ոչնչացրել է ապօրինի ավտոմրցույթի ու մասնակիցների մեքենաները: Բացի մեքենաներից զրկվելուց, փողոցային արշավորդները պետք է նաև խոշոր տուգանքներ վճարեն: