Երևան`   +7 °C
Այսօր`   Հինգշաբթի, 28 մարտի, 2024 թ.

Ռոբերտ Հովհաննիսյանն ընթանում է Եվրոպայի առաջնության առաջատարների խմբում

254
Երեքշաբթի, 20 մարտի, 2018 թ., 13:25
Ռոբերտ Հովհաննիսյանն ընթանում է Եվրոպայի առաջնության առաջատարների խմբում

Բաթումում տեղի ունեցավ Եվրոպայի շախմատի անհատական առաջնության 3-րդ տուրը: Առաջատարների խմբում ընթացող Ռոբերտ Հովհաննիսյանը գեղեցիկ ոճով հաղթանակ տոնեց Ուկրաինան ներկայացնող գրոսմայստեր Յուրի Կուզուբովի նկատմամբ: 2-րդ տուրից հետո առաջատարների խմբում ընթացող գրոսմայստերներ Գաբրիել Սարգսյանը, Հրանտ Մելքումյանը և Հայկ Մարտիրոսյանն իրենց պարտիաներն ավարտեցին հաշտությամբ, իսկ ՖԻԴԵ-ի վարպետ Վահե Դանիելյանը պարտվեց մրցաշարի ֆավորիտներից մեկին՝ Չեխիան ներկայացնող հանրահայտ գրոսմայստեր Դավիդ Նավարային:
3-րդ տուրից հետո Ռոբերտ Հովհաննիսյանը, Ջոնս Գավայնը, Մարին Բոսիոչիչը, Ալեքսանդր Ինջիչը, Դանիելե Վոկատուրին և Յուրի Սկոբեռնը վաստակել են 3-ական միավոր և գլխավորում են աղյուսակը: 2.5-ական միավոր վաստակած Գաբրիել Սարգսյանը, Հրանտ Մելքումյանը և Հայկ Մարտիրոսյանը ընթանում են առաջատարներին հետապնդողների խմբում: