ՌԴ ԱԳՆ-ն հայտնել է, թե որ երկրները կարող են «Նովիչոկ»-ի մատակարարները լինել
Ռուսաստանի արտաքին գործերի նախարարությունը «Նովիչոկ» անվանումով քիմիական զենքի ծագման ամենահավանական աղբյուրների անուներ է տվել՝ Բրիտանիան, Սլովակիան, Չեխիան, Շվեդիան և հնարավոր է՝ ԱՄՆ-ը: Այս մասին РИА Новости-ի փոխանցմամբ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: «Հետաքննության արդյունքում Ռուսաստանին վերաբերող ինչպե՞ս հնարավոր է նման եզրակացություն ստանալ, երբ նրանք մեզ չեն տվել այդ նմուշները: Ռուսաստանում երբևէ չի եղել «Նովիչոկ» անվանումով քիմիական զենքի ուսումնասիրություն: Տրամաբանորեն նրանք չունեն այդ նյութը, չպետք է լինի: Ի՞նչ նմուշներով նրանք համեմատեցին՝ այսպիսի եզրակացության գալու համար: Եզրակացությունը ծագում է ինքնին. գուցե նույնիսկ ոչ մի եզրակացություն, բայց հարցեր: Դա նշանակում է, որ նրանք ունեն նմուշներ, որոնք թաքցնում են, կամ այդ ամենն ընդհանրապես սուտ է՝ սկզբից մինչև վերջ»,- հայտարարել է Զախարովան: Հիշեցնենք՝ ռուս նախկին հետախույզ Սերգեյ Սկրիպալի և նրա դուստր Յուլիայի թունավորման համար Լոնդոնը մեղադրում է Ռուսաստանին՝ պնդելով, որ «Նովիչոկ» նյութերի խմբին պատկանող նյարդակաթվածային թույնը պատրաստված է ԽՍՀՄ-ում: Ռուսական կողմը հերքում է հանցանքին իր ներգրավվածությունը: Ավելի վաղ Զախարովան Լոնդոնի գործողություններն անվանել է «տեղեկատվական և քաղաքական շոու» և Ռուսաստանի դեմ ներկայացված մեղադրանքները՝ «բացարձակ խելացնոր»: Շաբաթ օրը Ռուսաստանում Մեծ Բրիտանիայի դեսպան Լորի Բրիսթոուն կանչվել է ՌԴ ԱԳՆ: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00