Երևան`   +13 °C
Այսօր`   Ուրբաթ, 29 մարտի, 2024 թ.

Երևանում բացվել է «Գողացված «Վրուբելի» վերադարձը» ցուցահանդեսը

469
Չորեքշաբթի, 14 մարտի, 2018 թ., 16:30
Երևանում բացվել է «Գողացված «Վրուբելի» վերադարձը» ցուցահանդեսը

«Գողացված «Վրուբելի» Վերադարձը» ցուցահանդեսը կմեկնարկի Ռուսական արվեստի թանգարանում մարտի 20-ից նոյեմբերի 20-ը, իսկ այսօր տեղի է ունենալու փակ-ցուցադրությունը:

Հիշեցնենք՝ ռուսական «մոդեռնի» նախահայր Միխայիլ Վրուբելի «Դևը և Հրեշտակը Թամարի հոգու հետ» գլուխգործոցը Ռուսական արվեստի թանգարանից (պրոֆեսոր Ա. Աբրահամյանի հավաքածու) գողացվել էր 1995թ.: 2017թ. մարտին միջազգային հետախուզման մեջ գտնվող նկարը հայտնաբերեցին Ռուսաստանի հատուկ ծառայությունների աշխատակիցները։ Նույն թվականի նոյեմբերի 15-ին «Ռուսաստանում Հայաստանի օրերի» շրջանակում Պետական Տրետյակովյան պատկերասրահի Վրուբելյան դահլիճում ՌԴ նախագահ Վլադիմիր Պուտինն այն հանձնեց ՀՀ նախագահ Սերժ Սարգսյանին: Սակայն, մինչ թանգարան վերադառնալը, նկարը Տրետյակովյան պատկերասրահում շուրջ 8 ամիս վերականգնեց Իննա Կոնստանտինովնա Սոլովովան:
Այն ստեղծվել է Միխայիլ Լերմոնտովի մահվան 50-ամյա տարելիցի (1891թ.) հրատարակությունը նկարազարդելու համար: Այդ պատվերի շրջանակում Վրուբելը 36 գծանկար է արել, որից 11-ը՝ նվիրված «Դևը» պոեմին: