Երևան`   +17 °C
Այսօր`   Չորեքշաբթի, 15 օգոստոսի, 2018 թ.

Մեդվեդևան բաց կթողնի գեղասահքի աշխարհի առաջնությունը

177
Երեքշաբթի, 13 մարտի, 2018 թ., 16:10
Մեդվեդևան բաց կթողնի գեղասահքի աշխարհի առաջնությունը

Օլիմպիական խաղերի կրկնակի փոխչեմպիոնուհի Եվգենիա Մեդվեդևան, բժիշկների ցուցումով, բաց կթողնի մարտի 19-ից 25-ը Միլանում կայանալիք գեղասահքի աշխարհի առաջնությունը։ Այս մասին հայտնել է Ռուսաստանի գեղասահքի ֆեդերացիայի նախագահ Ալեքսանդր Կոգանը։

«Խորը զննության արդյունքում բժիշկները խորհուրդ են տվել Մեդվեդևային բաց թողնել աշխարհի առաջնությունը։ Նրան հակացուցված է ոտքը ծանրաբեռնելը՝ հատկապես թռիչքներով։ Մեդվեդևան շարք կվերադառնա 4-8 շաբաթից։ Աշխարհի առաջնությունում նրան կփոխարինի 17-ամյա Ստանիսլավա Կոնստանտինովան»,- նշել է նա։